🌕 زي ما للقمر أطوار مختلفة، انتِ كمان هيك!
في بودكاست دورة قمر، من جمعية المرأة وكيانها بنناقش جوانب حياتك وصحتك بكل أطوارها. رح نحكي عن مواضيع بتخص كل امرأة وبتهم صحتها، من سن المراهقة حتى سن الأمان.
رح نستضيف طبيبات ومختصات من مختلف مجالات صحة المرأة في 4 حلقات لنتناقش معهم بمواضيع مهمة ومش محكية زي:
🔹 آلام العلاقة الجنسية
🔹 السمنة وتأثيرها على الهرمونات
🔹 الصحة الهرمونية والنظام الغذائي
🔹 الطب العادل للجنسين
وغيرها من المواضيع اللي بتهم كل امرأة.
استمعي لنا كل أربعاء على Apple Podcasts وSpotify، مع تقديم بسمة حسن غالية، برعاية جمعية المرأة وكيانها
رابط الحلقة الأولى:
بالحلقة الثانية بنستضيف الطبيبة النسائية شيماء بدارنة ونحكي عن مواضيع بتخص كل امرأة وبتهم صحتها، من سن المراهقة حتى سن الأمان.بهالحلقة بنفتح باب الحديث عن موضوع ما بنحكي فيه كتير بمجتمعنا: التوجه لطبيبة نسائية. متى لازم نتوجه؟ شو المخاوف؟ ليش زيارة الطبيبة مهمة؟ وشو لازم تعرفي قبل ما تروحي؟
رابط الحلقة الثانية:
بالحلقة الثالثة بنناقش موضوع مهم بيأثر على كثير منا: السمنة، الهرمونات، والنظام الغذائي. مع الطبيبة المختصة مريم مفرع، رح نحكي عن العلاقة بين السمنة والهرمونات، كيف بيتأثر جسمكِ بالنظام الغذائي؟ وكيف بتلعب الهرمونات دور أساسي في صحتكِ الجسدية والنفسية؟ هل السمنة مرض أم عرض؟ كيف نتعامل مع الضغط المجتمعي ومعايير الجمال؟
كل هاي الأسئلة وأكثر رح نجاوب عنها في هاي الحلقة.
في حلقتنا الأخيرة من بودكاست دورة قمر، بنسلط الضوء على موضوع حساس ومهم ما بنحكي فيه كتير: آلام العلاقة الجنسية. مع المعالجة الجنسية النفسية علا غنايم زبيدات، بنناقش الأسباب النفسية والجسدية اللي ممكن تسبب الألم أثناء العلاقة، وكيفية التعامل معها.
هل السبب هرموني؟ أو نفسي؟ أو جسدي؟ متى بنحتاج التوجه لاستشارة؟ لمين بنتوجه كخطوة أولى؟ كيف ممكن الاستشارة الزوجية تساعد؟ شو طرق العلاج الموجودة؟
إذا كنتِ بتواجهين صعوبة أو ألم خلال العلاقة، ما تترددي. استمعي لهاي الحلقة لتفهمي أكثر ولتحصلي على نصائح عملية للتعامل مع الموضوع.
